2025 жылғы Шанхай ынтымақтастық ұйымының халықтық достық форумы мен бауырлас қалалар форумы Шэньян қаласында өтті. Үш ірі тақырыптық көрме мәдени үндестік пен технологиялық қуатты тоғыстырып, ШЫҰ елдерінің ынтымақтастығын тереңдету және ортақ болашақты бірлесіп құру жолындағы жарқын көріністі бейнеледі.
Форумның негізгі ерекшеліктерінің бірі ретінде «Бір аспанның астында» атты ШЫҰ елдері балаларының сурет көрмесі көз тартарлық түрде ұсынылды. Циндао баспа тобы 2023 жылдан бастап Шанхай ынтымақтастық ұйымының Тату көршілік және достық ынтымақтастығы комитетіне мүше болған алғашқы баспа саласындағы ұйым ретінде осы платформаны пайдаланып, мәдениеттердің өзара танысуын белсенді түрде ілгерілетіп келеді.
Бұл жолы балалар сурет көрмесіне Циндао баспа тобы халықаралық деңгейде жұмыстар жинауды, кәсіби іріктеуді және тақырыптық жоспарлауды ұйымдастыруға атсалысты. Бұл тек көрменің жоғары сапасы мен жан-жақтылығын қамтамасыз етіп қана қоймай, сонымен қатар түрлі елдердің балаларына мәдени алмасу алаңын ұсынды.
Аталған көрмеде ШЫҰ-ға мүше елдер, бақылаушы елдер және диалогтық серіктес елдердің балаларының таңдаулы жұмыстары жинақталған. 300-ден астам бала салған сурет бейбітшілік пен достық тақырыбын әсерлі жеткізіп, балалар нәзік әрі шынайы бояулармен «бір аспан астындағы» жарқын әлемді бейнелеп, әр елдің өзіндік мәдени көзқарасын және көркемдік шығармашылығын көрсетті. Бұл көрме халықтар арасындағы өзара түсіністікті нығайтатын жарқын көпірге айналды.
Бұл жолғы көрме сондай-ақ 2023 жылы осы форумның тақырыптық көрмесін сәтті ұйымдастырып, кеңінен оң баға алған Циндао баспа тобының кәсіби деңгейін жалғастырды. Алдағы уақытта Циндао баспа тобы «ШЫҰ елдерінің балалар суреттер жинағын» басып шығарып, өткен көрмелердің үздік жұмыстарын біріктіреді.
Сонымен қатар ұсынылған ШЫҰ елдерінің халықтық достық және алмасу жетістіктері көрмесі кедейлікті азайту, денсаулық сақтау, экономика және сауда салаларындағы нақты табыстарды фотосуреттер мен нақты мысалдар арқылы көрнекі түрде көрсетті. Бұл көрме мүше мемлекеттер халықтарының «жақыннан жақын, туыстан туыс» болып бара жатқан шынайы достығын айғақтайды.
Бұдан бөлек, ғылыми-технологиялық инновациялар мен озық өндіріс жетістіктері көрмесі Шэньян қаласын витрина ретінде пайдалана отырып, Қытайдың солтүстік-шығыс аймағын дамыту стратегиясы аясындағы соңғы жетістіктерге назар аударды. Көрмеде ірі өнеркәсіптік роботтар, жоғары дәлдіктегі сандық басқару жабдықтары, озық авиациялық бөлшектер модельдері сияқты “қатты ядролы” экспонаттар топтастырылып ұсынылды.
Бұл көрме қонақтарға «Шэньян өндірісі» мен «Қытай өндірісінің» қуатты әлеуетін жақыннан сезінуге мүмкіндік беріп, Қытайдың технологиялық дербестік пен жаңашылдыққа қарай нық қадам басып келе жатқанын айқын көрсетті.
