Алматыдағы сауда орталықтарының біріне бомба қойылғаны туралы хабарлама түсті,- деп хабарлайды Tengrinews.kz тілшісі.
Оқырмандар мәліметі бойынша,бүгін,26 шілдеде сағат 12:00 шамасында полицейлер "Максима" сауда орталығын қоршауға алды.
Полицейлер Tengrinews.kz тілшісіне сауда орталығының ғимаратында бомба қойылғаны туралы хабарлама түскенін айтты. Оқиға орнына төтенше жағдайлар қызметі жөнелтілген.
"Алғашқы ден қою шаралары аясында қаланың шұғыл қызметтері аталған СОО-ны тексерді. Нәтижесінде бомба қойылғаны туралы хабарлама расталмады және СОО штаттық режимде жұмыс істейді",- деді Алматы Полиция департаментінің баспасөз қызметі.
