АСТАНА. KAZINFORM – Жерорта теңізінің орталық бөлігінде НАТО-ның «Dynamic Manta-24» жыл сайынғы оқу-жаттығуы басталды. Бұл туралы Euronews хабарлады.
Оқу-жаттығуға Түркия, Канада, Франция, Германия, Греция, Италия, Испания, Ұлыбритания және АҚШ-тың әскери қызметкерлері қатысуда.
Айтуларынша, маневрлер барысында Солтүстік Атлантикалық альянс елдері құрлықтағы және әуе күштерімен келісе отырып, суасты кемелерге қарсы соғыс тапсырмаларын орындайды.
Жерорта теңізі күрделі су асты рельефімен жаттығу үшін тамаша орын екені атап өтілді.
8 наурызға дейін жалғасатын маневрлерге авиация және жеті суасты кемесі қатысады.