ПОДЕЛИТЬСЯ
Шымкент әкімінің орынбасары Руслан Берденов әлі де жансақтау бөлімінде жатыр. Бұл туралы Facebook-парақшасында мәжіліс депутаты Болатбек Әлиев хабарлады,- деп хабарлайды Tengrinews.kz тілшісі.
Әлиевтің айтуынша,ол бүгін таңертең арнайы Шымкентке ұшып барған.
"Қазіргі жағдайы – орташа ауыр,реанимацияда. Сана-сезімі анық,сөйлесіп жатыр,жігерлі. Барша әріптестерден,достарымыздан сәлем айттым",– делінген жазбада.
Еске салайық,21 сәуірде Шымкент әкімдігі ғимараты маңында атыс болды. Салдарынан Руслан Берденов жарақат алды. Полиция мәліметінше,күдікті ұсталып,уақытша ұстау изоляторына қамалған,бұл дерек бойынша қылмыстық іс қозғалды.
Кейінірек Руслан Берденов есін жиғаны айтылды.
