Түркістан облысы,атқарылған жұмыстарды саралады.
Үш негізгі корпустан тұратын білім ұясында балаларға орта білім алу үшін барлық жағдай жасалған. Іші толық қажетті құрал-жабдықпен жабдықталған,жаңа оқу жылына дайын. Жолды реттеу жұмыстары ғана қалып отыр. Аудан басшысы аталған мәселені тездетіп шешу мақсатында жауаптыларға нақты тапсырмалар жүктеп,мерзім белгіледі. Сонымен қатар білім бөлімінің мамандары мен тиісті мекеме басшыларына балалар қауіпсіздігін қатаң сақтау үшін мектеп айналасындағы құдықтардың бетін бітеп,трансформаторларды дереу қоршау қажеттігін ескертті.
Бұдан соң аудан әкімі қасбетін ретке келтіру жұмыстары жүріп жатқан Жанкент мектебіне арнайы барып,ол жердегі атқарылып жатқан жұмыстарды бақылады. Мектеп сыртын қаптау жұмыстары тамыз айының үшінші онкүндігінде толық аяқталып,жаңа оқу жылына пайдалануға беріледі деп күтіліп отыр.
Айта кетейік,бүгінгі таңда ауданда дәл осындай жеті мектепке ағымдағы жөндеу жұмыстары жүргізіліп жатыр. Оның ішінде,Алғабас мектебі аяқталған болса,Молдағұлова мектебінде жұмыс атқарылып жатыр.
Аудан әкімі Ынтымақ ауылындағы Алма Оразбаева мектебінде болып,жаңа оқу жылына дайындық барысын қадағалады. Өткен жылдан өтпелі болып,күрделі жөндеуден өткен мектептің директорына мектеп ауласын көріктендіру,көгалдандыру бойынша біршама ескертпелер жасады.
Суретте: Түркістан облысы әкімінің баспасөз қызметі
