ҚМА "Жайлы мектеп" ұлттық жобасын іске асыру барысына мониторинг жүргізіп жатыр,- деп хабарлайды Tengrinews.kz тілшісі.
"Жайлы мектеп" ұлттық жобасын іске асыруға бөлінген бюджет қаражатының орынды жұмсалуын қамтамасыз ету мақсатында Қаржылық мониторинг агенттігі "Samruk-Kazyna Construction" АҚ-мен кездесу өткізгені хабарланды.
"Бұл міндетті орындау үшін "Жайлы мектеп" ауқымды жобасы іске асырылуда,бұл мақсатқа 2,3 триллион теңге бөлінді. Заманауи талаптарға сай 369 мектеп салу жоспарланған.
Сонымен қатар,агенттікпен жүргізілген мониторинг барысында мектеп салу кезінде артық шығындардың алдын алу деректері бар",- делінген хабарламада.
Кездесу қорытындысы бойынша экономикалық және қаржылық құқық бұзушылықтардың алдын алу бойынша бірлесіп жұмыс жасау мен ынтымақтастық туралы меморандумға қол қойылды.
