Бас әскери прокуратура Ақтауда борышын өтеп жүрген сарбаздың өліміне қатысты түсініктеме берді,- деп хабарлайды Tengrinews.kz тілшісі.
Мемлекеттік органның мәліметінше,2024 жылы 7 қыркүйекте сағат 17:10 шамасында Ақтаудағы "Оймаша" полигонының аумағындағы Қорғаныс министрлігінің әскери бөлімдерінің бірінің взвод командирі қатардағы Б.-ға ПМ табельдік тапаншасынан оқ атты. Салдарынан сарбаз қайтыс болды.
"Сол күні Батыс өңірлік әскери-тергеу басқармасы қасақана кісі өлтіру дерегі бойынша соталды тергеп-тексеруді бастады (1-бөлім ҚК 99-бабы). Тергеу органы күдіктіні ҚІЖК-нің 128-бабының тәртібімен ұстады және Ақтау АӘК-не қамауға алды. Қылмыстың себебі мен өзге де мән-жайын анықтау үшін тергеу іс-шараларының қажетті кешені жүргізіліп жатыр",- делінген Бас әскери прокуратураның хабарламасында.
Іс бойынша іс жүргізу прокуроры тағайындалды.
Бас әскери прокуратура тергеу барысын ерекше бақылауға алды.
Еске салайық,бұған дейін Маңғыстауда полигонда лейтенант абайсызда сарбаздың бетіне оқ атып жібергені хабарланған болатын.
