Қарағандыда теңбілшелерді сатуға тырысты деген күдікке ілінген хайуанаттар бағының қызметкерлеріне қатысты сот процесі басталды,- деп хабарлайды Tengrinews.kz тілшісі "Патриот" Telegram-арнасына сілтеме жасап.
Қарағанды мемлекеттік хайуанаттар бағы директорының орынбасары және екі қызметкер күдікке ілінді. Олар қоршаудан екі теңбілшені ұрлаған болуы мүмкін. Полиция департаментінің мәліметінше,олар жануарларды хайуанаттар бағының аумағынан шығарып,6 миллион теңгеге сатуға тырысқан.
Сотталушыларға қатысты қамауға алусыз бұлтартпау шарасы таңдалды. Ұрлықтан басқа,олар сирек кездесетін және жойылу қаупі төнген жануарларға заңсыз қарады деп айыпталды.
Істі Қарағанды Қазыбек би аудандық сотының судьясы Арғын Құтышев қарайды. Сот отырысының бірінші күнінде әр теңбілшенің орташа нарықтық құны туралы мәселе қаралды. Іс материалдарына қоса тіркелген сарапшылардың қорытындылары сотталушылар мен олардың адвокаттарын қанағаттандырмады. Олар залал өте жоғары деп санайды.
Еске салайық,хайуанаттар бағының қызметкерлері 2023 жылы маусымның басында ұсталды. Арыстандарды сату әрекеті бойынша қылмыстық іс қозғалды.
