Алматыда 18 жастағы жігіт қайтыс болды. Полицейлер ақпаратты растады,- деп хабарлайды Tengrinews.kz тілшісі.
Бұған дейін әлеуметтік желілерде 18 жастағы жігіттің қаладағы көпқабатты үйлердің бірінен секіріп кеткені туралы ақпарат пайда болған еді. Алматы полиция департаменті жігіттің өлімі дерегін растады.
"Аталған факт бойынша Әуезов ауданының полиция бөлімі қылмыстық іс қозғады. Себеп пен мән-жайлар анықталып жатыр",- деп хабарлады ведомствоның баспасөз қызметі.
Бұл кейінгі екі аптадағы мегаполисте жастар мен жасөспірімдердің өлімінің алтыншы оқиғасы.
