Қазақстанның бірнеше өңірінде сұйытылған газ тапшылығы байқалды,- деп хабарлайды Tengrinews.kz тілшісі.
Шымкент,Түркістан және Ақтөбе облыстарында сұйытылған газ тапшы. Энергетика министрлігінің мәліметінше,аталған облыстарға халықтың саны өсіп жатыр,олардың қажеттілігін қанағаттандыру үшін сұйытылған газдың қосымша мөлшері әкелді.
Сонымен қатар,министрлік жазғы кезеңде демалыс маусымына байланысты халық арасында тұтынудың қарқынды өскені атап өтті.
"Шымкент қаласының 7 686 тонна ай сайынғы қажеттілігін ескеріп,Энергетика министрлігі үшінші тоқсанға 18 035 тонна бөлді (шілде – 5 770 тонна,тамыз – 6 560 тонна,қыркүйек – 5 705 тонна). Қосымша 1 266 тонна (шілде – 726 тонна,тамыз – 540 тонна) жіберілді. 28 тамызда ПКОП зауытынан 5 882 тонна жөнелтілді,бұл жоспардың 90 пайызы.
Түркістан облысының ай сайынғы қажеттілігі 14 000 тонна. Үшінші тоқсанда облысқа 32 850 тонна (шілде – 10 510 тонна,тамыз – 11 949 тонна,қыркүйек – 10 391 тонна) бөлінді. Қосымша жеткізу жоспары аясында министрлік 3 976 тонна (шілде – 2 736 тонна,тамыз – 1 240 тонна) бөлді. Сонымен қатар,тұрақты жеткізілімдерді қамтамасыз ету үшін "Теңізшевройл" ЖШС ресурстарынан 5 742 тонна ТМД бөлінді. 28 тамызда ПКОП зауытынан 10 993 тонна жөнелтілді,бұл 92 пайыз.
Ақтөбе облысының ай сайынғы қажеттілігі 14 600 тонна. Үшінші тоқсанда өңірге 33 261 тонна (шілде – 10 960 тонна,тамыз – 11 464 тонна,қыркүйек – 10 837 тонна) бөлінді. Қосымша жоспар аясында министрлік 2 683 тонна (шілде – 504 тонна,тамыз – 2 179 тонна) бөлді. Сондай-ақ,облысты үздіксіз қамтамасыз ету үшін шілде айына "Теңізшевройл" ЖШС ресурстарынан 990 тонна қосымша көлем бөлінді. 28 тамызда зауыттардан жөнелту келесі көлемге жетті:
"СНПС - Ақтөбемұнайгаз" АҚ: 5 913 тонна (93 пайыз);
"Қазақойл Ақтөбе" ЖШС: 2 149 тонна (97 пайыз);
Gas Processing Company ЖШС: 3 323 тонна (86 пайыз)",- деп хабарлады министрлік.
