"Таза Қазақстан" республикалық бағдарламасы аясында Алматы қаласында қала тұрғындары арасында экологиялық жағдайды жақсарту және экологиялық мәдениетті арттыру бойынша ауқымды жұмыстар жүргізілуде. Экологиялық іс-шаралар Алматы қаласы экология және қоршаған орта басқармасының,бизнес және жұртшылық өкілдерінің күш-жігерін біріктірді.
Ағымдағы жылдың 23 қыркүйегінен бастап Алматы қаласының экология және қоршаған орта басқармасы "Жасыл аула" акциясы аясында өтінімдерді қабылдауды ашты-қала тұрғындары көппәтерлі үйлер мен қоғамдық кеңістіктердің аулаларын көгалдандыру үшін жапырақты ағаштардың көшеттерін тегін ала алады. Өтінімдерді қабылдау 4 қазанға дейін жалғасады,ал көшеттерді тарату 2024 жылдың 12 және 13 қазанында өтеді. Акция туралы қосымша ақпарат алу үшін Алматы қаласының Экология және қоршаған орта басқармасының жасыл қорды бақылау және басқару бөліміне +7 771-161-98-50 телефоны арқылы хабарласуға болады.
Көшеттер 2024 жылы 12-13 қазанда Алматы қаласы,Әуезов ауданы,Юрий Ким көшесі,9-үй (ЖШС "Eco Almaty") мекенжайында таратылады. Акцияға қатысқан тұрғындар кейін отырғызылған көшеттердің фотоесебін ұсынуы қажет.
"Жасыл аула" акциясы — Алматы тұрғындарының шаһарды көгалдандыруға,оны одан әрі жасыл әрі жайлы етудің тамаша мүмкіндігі.
"Таза Қазақстан" бағдарламасы аясындағы жұмыстың негізгі бағыттарының бірі абаттандырудың жаңа ережелері бойынша қалалық объектілерді паспорттау болды. Алматы қаласында 5 590 нысан паспортталуға жатады,оның 342-сі бүгінде рәсімделген. Барлық паспорттау жұмыстары келесі жылдың сәуір айында аяқталады.
Паспорттау іргелес аумақтарды абаттандыру үшін кәсіпкерлер мен басқа да субъектілердің шекаралары мен жауапкершілік аймақтарын анықтауға мүмкіндік береді. Абаттандыру паспортында абаттандыру мен санитарлық тазалауға қойылатын талаптар көрсетіледі,бірақ үлкен күрделі шығындар қажет емес. Негізгі назар үнемі тазалауға,урналармен қамтамасыз етуге және шағын архитектуралық формалардың дұрыстығын сақтауға аударылады. Шаралар қала тұрғындары үшін жайлы,қауіпсіз және экологиялық жағдай жасауға бағытталған.
"Таза Қазақстан" республикалық бағдарламасы аясында Алматыда тыйым салынған жерлерде қоқыс тастағаны үшін жауапкершілікке тарту жұмыстары күшейтілді. Биыл қыркүйектен бастап жүргізілген мониторингтің нәтижесінде Алматы қаласы Коммуналдық инфрақұрылымын дамыту басқармасы қоқыс жәшіктерінің толып кетуіне байланысты қосымша жабдықтар мен тазалау ресурстарын қажет ететін 52 учаскені анықтады.
Алматы қаласын көріктендіру ережесіне сәйкес,кәсіпорындар,мекемелер және жеке тұлғалар ірі көлемді қоқысты өздері шығарып,не қоқыс шығаратын ұйымдармен келісімшарт жасасуы керек. Жөндеу жүргізетін немесе ірі көлемді қалдықтар жинақтаған тұрғындар қоқысты шығару үшін мамандандырылған ұйымдарға ақылы түрде жүгінуі немесе оны өздері Алматы облысының Іле (Алматы – Өскемен тас жолы,34/1) және Қарасай (Әйтей ауылы,144-ші есептік квартал,4690) аудандарындағы полигондарға апаруы керек.
Қаладағы санитарлық және эстетикалық жағдайды жақсарту мақсатында 2024-2025 жылдары Алматыда 786 контейнерді ауыстырып,қосымша 2 мыңнан астам тереңдетіле көмілген жаңа контейнер орнату жоспарланып отыр.
