Оқу-ағарту министрі Ғани Бейсембаев 1 қыркүйек қарсаңында ең танымал сұраққа жауап берді,- деп хабарлайды Tengrinews.kz тілшісі.
Республикалық тамыз саммитінің аясында Ғани Бейсембаевқа "оқушылар 1 қыркүйекте мұғалімдерге гүл сыйлай ала ма?" деген сұрақ қойылды.
Ғани Бейсембаев бұл жақсы дәстүр деп санайды.
"Тәттілер туралы ойлану керек,әркімнің тәттіге деген өз қалауы бар. Бірақ менің ойымша,оқушы сыйлаған гүл әрқашан да жағымды. Оқушылар әрдайым ұстаздарға шын жүректен,сүйіспеншілікпен және ризашылықпен гүл сыйлайды. Гүл туралы тақырыпты одан әрі талқылаудың қажеті жоқ деп ойлаймын. Гүлден артық сыйлық көрмеймін. Мен мұғалім ретінде мұғалім үшін шын жүректен сыйланған гүл керемет деп ойлаймын",- деп бөлісті министр.
