Астанада операция кезінде 13 жастағы жасөспірім қайтыс болды. Ақпаратты Денсаулық сақтау вице-министрі Ержан Нұрлыбаев растады,- деп хабарлайды Tengrinews.kz тілшісі.
Нұрлыбаевтың айтуынша,қызметтік тергеу жүргізіліп жатыр.
"Өкінішке қарай,осындай жағдай болды. Осы мүмкіндікті пайдаланып,мен жасөспірімнің ата-анасына көңіл айтқым келеді. Бүгінде қызметтік тергеу,оның ішінде сот-медициналық сараптама жүргізіліп жатыр. Оның негізінде біз ресми хабарлама береміз. Алдын ала бұл қатерлі гипертермиялық реакция,өте сирек кездеседі. Бірақ,өкінішке қарай,ол болды",- деп жауап берді вице-министр ОКҚ брифингі кезінде журналистердің сұрағына.
Жағдай Денсаулық сақтау министрлігінің бақылауында,олар медициналық сараптама нәтижелерінен кейін қосымша ақпарат беруге уәде берді.
"Біз тергеудің өзі объективті түрде өтетініне кепілдік береміз",- деп сендірді Ержан Нұрлыбаев.
