Бүгін таңертең Алматыдағы жеке мектептердің бірінің маңынан көлік ішінен адам өлі табылды. Бұл туралы әлеуметтік желі қолданушылары жазды,- деп хабарлайды Tengrinews.kz тілшісі.
Алматы Полиция департаментінің баспасөз қызметі бұл ақпаратты растады.
"Көзге көрінетін зорлық-зомбылық белгілері жоқ ер адамның мәйітін табу дерегі бойынша тергеу жүргізіліп жатыр. Алдын ала болжам бойынша,өлімге жүрек жеткіліксіздігі себеп болған",- дейді полиция өкілдері.
Полицейлер оқиғаның барлық мән-жайын анықтап жатыр.
