Зейнеткер мұғалім өзінің 100 жылдығын атап өтіп,- деп хабарлайды Tengrinews.kz тілшісі Massaget.kz-ке сілтеме жасап.
Альберт Стайлз - зейнеттегі мұғалім,ол жақында мерейтойын атап өтті.
"Мен жүз жасқа дейін өмір сүремін деп ойламадым! Зейнетке шыққан кезде мен жетпістен сәл ғана асатын шығармын деп ойладым. Бірақ менің артымда бір ғасыр бар және бұл керемет!",- деді Альберт Стайлз.
Өзінің жасына қарамастан,ер адам өзін керемет сезінеді. Ол толыққанды өмір сүреді,достары және хоббиі бар. Қазір Альберт қарттар үйінде,оның мерейтойлық кеші сол жерде өтті.
Мерекеде шарлар,торт және қызылша болды. Бұл Альберттің бала кезінен жақсы көретін көкөнісі және ол өзінің ұзақ өмір сүруіне соған қарыздар екеніне сенімді.
"Менің анам үнді болды және қызылшадан көп карри жасайтын,бірақ мен оны дәстүрлі түрде жегенді ұнатамын - картоп пюресімен салқын күйінде",- дейді Альберт.
Альберттің мерейтойында қонақ аспаз болды,ол туған күн иесіне қызылшадан түрлі тағамдар дайындаған.
Басты тағам - террин болды. Бұл - көкөністерден,еттен немесе балықтан жасалатын француз тағамы. Аспаз Альберт үшін бұл тағамдағы негізгі ингредиентті қызылшаға алмастырып дайындаған.
Бұл көкөністе әртүрлі дәрумендер,микроэлементтер және өмірлік маңызы бар минералдар көп. Қызылшада А және С дәрумендері,В дәрумендері,фолий қышқылы,йод,бор,марганец,калий және темір бар. Бұл сонымен қатар ол аз калориялы көкөніс және ол жасұнықтың көзі.
Қызылшаның ағзаға мынадай пайдасы бар:
жасушаларды бос радикалдардың әсерінен қорғайды;
жүрек пен қан тамырларын нығайтады;
бауыр саулығын сақтайды;
ішектің жұмысын қалыпқа келтіреді;
іш қатуды жеңілдетеді;
тоқтық сезімін ұзартады.
Алайда оның артықшылықтарға қарамастан,кейбір адамдарға қызылшаға қарсы көрсетілім бар. Мысалы,ол құрамында қан тамырларды кеңейтетін нитраттардың көп болуына байланысты қан қысымын төмендетуі мүмкін. Сондықтан қан қысымы төмен адамдар оны абайлап жеу керек.
