Фото: unsplash
Ғылым және жоғары білім министрінің бұйрығымен республикалық бюджеттен қаржыландырылатын білім беру ұйымдарында жоғары немесе жоғары оқу орнынан кейінгі білімі бар кадрларды даярлау үшін 2024-2025, 2025-2026, 2026-2027 жылдарға арналған мемлекеттік білім беру тапсырысы бекітілді, деп хабарлайды Altainews.kz сайты Zakon.kz ақпараттық порталына сілтеме жасап.
Атап айтқанда, 2024-2025 оқу жылына арналған жоғары білімі бар кадрларды даярлауға мемлекеттік білім беру тапсырысында 78 219 грант бөлу көзделген, оның ішінде:
*Педагогикалық ғылымдар – 13 735 грант.
*Ақпараттық-коммуникациялық технологиялар – 10 903.
*Машина жасау, өңдеу және құрылыс өнеркәсібі – 19 344.
*Жаратылыстану, математика және статистика – 8288.
*Ауыл шаруашылығы және биоресурстар – 2673.
*Өнер және гуманитарлық ғылымдар – 1765 ж.
*Әлеуметтік ғылымдар, журналистика және ақпарат – 1185.
*Бизнес, менеджмент және құқық – 1323.
Сондай-ақ ҚР Үкіметі айқындайтын өңірлерге ауыл жастарының арасынан қоныс аударатын қазақстандықтарды оқытуға мемлекеттік тапсырыс бөлінді, оның ішінде:
*Педагогикалық ғылымдар – 2513.
*Ақпараттық-коммуникациялық технологиялар – 384.
*Машина жасау, өңдеу және құрылыс өнеркәсіптері – 934.
*Ауыл шаруашылығы және биоресурстар – 72.
*Шетел азаматтарын халықаралық шарттар бойынша оқыту үшін – 365.
*«МИФИ» Ұлттық зерттеу ядролық университеті» Федералдық мемлекеттік автономды жоғары оқу орнының филиалында оқу үшін – 100.
*«И.М.Губкин атындағы Ресей мемлекеттік мұнай және газ университеті (Ұлттық зерттеу университеті)» Федералдық мемлекеттік автономиялық жоғары оқу орнының филиалында оқу үшін – 100 грант.
*М.В.Ломоносов атындағы Мәскеу мемлекеттік университетінің Қазақстандық филиалында студенттерді дайындау – 125.
*Мәскеу авиация институтының «Восход» филиалында студенттерді оқытуға арналған - 45 грант.
*Назарбаев Университетінде студенттерді, соның ішінде шетел азаматтарын оқытуға – 1250.
Сонымен бірге, шетел азаматтарын, оның ішінде ҚР азаматы болып табылмайтын қазақ ұлтының өкілдерін оқытуға стипендиялық бағдарлама бойынша 490 грант бөлінді.
«Денсаулық сақтау» классификациясы бойынша оқытуға 2700 грант бөлінді (оның ішінде клиникалық емес мамандықтар бойынша 200, халықаралық шарттар бойынша шетел азаматтарын оқыту үшін 20).
Сондай-ақ ішкі істер органдары, Төтенше жағдайлар министрлігі, азаматтық қорғау органдары арқылы оқуға гранттар бөлінді.
Білім беру ұйымдарында жоғары оқу орнынан кейінгі білімі бар кадрларды даярлауға мемлекеттік білім беру тапсырысы (магистратура) – 13 119 грант бөлінді.
Бұйрық 2024 жылғы 26 наурызда күшіне енді.
